დღეს 4 აგვისტოს ახალგორის მუნიციპალიტეტის გამგებელს ნუგზარ თინიკაშვილსა და ევროკავშირის წარმომადგენლებს შორის შეხვედრა შედგა. განხილული იქნა ოკუპირებული ახალგორის ტერიტორიაზე მომქმედი სკოლებისა და ბაგა-ბაღების სამომავლო ფუნქციონირების საკითხი. ეგრეთწოდებულ სამხრეთ ოსეთის დეფაქტო ხელისუფლების განცხადებით, ახალი სასწავლო წლიდან იგეგმება ქართულენოვანი ჯგუფების გაუქმება და პირველ კლასში მხოლოდ რუსულ ენაზე სწავლის შემოღება, რაც დააზარალებს, როგორც ბაგა-ბაღის აღსაზრდელებისა და მოსწავლეთა ფუნდამენტურ უფლებას მშობლიურ ენაზე შეძლონ განათლების მიღება, ისე აღმზრდელთა, პედაგოგთა და მშობელთა ინტერესებს.

აღნიშნული საკითხი უნდა გახდეს მთელი საერთაშორისო საზოგადოების მსჯელობის საგანი ყველა დონეზე.