წეროვანის დასახლებას ჩეხეთის ერთ-ერთი რეგიონის გუბერნატორი, პარლამენტარები და ბიზნეს სექტორის წარმომადგენლები სტუმრობდნენ.

წეროვანის ყოფილი სათბურების ტერიტორიაზე, ახალი ტექნოლოგიებით აშენდება სასათბურე მეურნეობა, გაკეთდება სოციალური საწარმო, სადაც დასაქმდება დევნილი მოსახლეობის ნაწილი.

სტუმრები დაინტერესდნენ და მოიწონეს ყველა პროექტი რაც მათ მცხეთა-მთიანეთის რეგიონალური განვითარების სააგენტოს აღმასრულებელმა დირექტორმა შალვა გივიშვილმა წარუდგინა.

წეროვანში შეიქმნება მწვანე ინოვაციური ცენტრი.

ბოლოს ახალგორის მუნიციპალიტეტის გამგებელმა ნუგზარ თინიკაშვილმა სტუმრებს დაათვალიერებინა წეროვანის დასახლება და მათთვის საინტერესო საკითხებზე ინფორმაცია მიაწოდა.